Fasnachtsgottesdienst

Dieses Jahr feiern wir mit der Guggämusig Papageno, am Samstag, 22. Februar, um 17.30 Uhr in der Pfarrkirche. Alle fasnachtsbegeisterten Kinder, Jugendlichen und Erwachsenen, verkleidet oder «natur», sind herzlich willkommen.



Einisch im Jahr isch Fasnacht i de Chilä,
d’Guggämusig Papageno tuet spiilä,
d’Legorä sind det hoch offiziell debii,
will chli göttlichä Input nöd cha falsch sii.

Fiirä dönd miär mit em Pater Wilfred,
er wandlet für üs s’Holy Bread.
Welcome to your first Fasnacht here,
after de Celebration, we drink a beer.

I de Predigt wird ich vorhär brichtä,
us em Pfarrei-Alltag no es paar Gschichtä.
Sache wo mer suscht nöd würdi mitbecho,
wo passiert sind, fascht genau eso.

S’letscht mal isch de Urs Stierli da,
er hed gli usgfasnachtet, tuet üs verlaa.
Obwohl miär ihm klipp und klar händ gseit,
dass es am nüüä Ort kei Legorä hed - wiit und breit.

So, jetzt lad ich üch alli vo Härze ii,
bi derä einmalige Fiir mit debi z’sii.
Denn i Gottes Name fiirä und lachä,
das tuet guet, das söll mer machä.

Thomas Betschart
Reimprediger zu Sankt Peter und Paul